கொழும்பில் பரபரப்பு - மகிந்த இலஞ்ச ஊழல் ஆணைக்குழுவில் சற்றுமுன் முன்னிலை

கொழும்பில் பரபரப்பு - மகிந்த இலஞ்ச ஊழல் ஆணைக்குழுவில் சற்றுமுன் முன்னிலை

முன்னாள் ஜனாதிபதி மகிந்த ராஜபக்ச, ஸ்ரீலங்கன் ஏர்லைன்ஸ் ஏர்பஸ் ஒப்பந்தம் தொடர்பான இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவின் (CIABOC) முன் இன்று காலை (12) முன்னிலையாகியுள்ளார்.

2013ஆம் ஆண்டில் ஸ்ரீலங்கன் ஏர்லைன்ஸ் நிறுவனத்திற்காக விமானங்களைக் கொள்முதல் செய்தது தொடர்பாகக் கூறப்படும் 2 மில்லியன் அமெரிக்க டொலர் இலஞ்சம் குறித்து வாக்குமூலம் கோரி, இலஞ்ச ஆணைக்குழு விடுத்த அறிவிப்பைத் தொடர்ந்து இந்த அழைப்பாணை அனுப்பப்பட்டிருந்தது.

முன்னாள் விமானப் போக்குவரத்து அமைச்சர் பிரியங்கர ஜெயரத்னவும் ஆணையத்தில் முன்னிலைகுமாறு அறிவிக்கப்பட்டுள்ளதாகத் தெரிவிக்கப்பட்டுள்ளது.

இருப்பினும், முன்னாள் ஜனாதிபதி ராஜபக்சவின் ஊடகப் பேச்சாளரும் சட்டத்தரணியுமான மனோஜ் கமகே, சில சட்ட விடயங்கள் தொடர்பாக சட்டத்தரணிகள் குழுவுடன் கலந்துரையாடல்கள் நடைபெற உள்ளதாகத் தெரிவித்தார்.

ஸ்ரீலங்கன் ஏர்லைன்ஸ் நிறுவனத்தின் மறைந்த முன்னாள் தலைமை நிர்வாக அதிகாரி கபில சந்திரசேனா அளித்ததாகக் கூறப்படும் வாக்குமூலத்தின் அடிப்படையில் இந்த அழைப்பாணை பிறப்பிக்கப்பட்டுள்ளது என்று வழக்கறிஞர் மனோஜ் கமகே மேலும் தெரிவித்தார்.

இருப்பினும், அந்த வாக்குமூலம் வற்புறுத்தல் மற்றும் அச்சுறுத்தல்களின் கீழ் பெறப்பட்டது என்று கூறி சந்திரசேன இதற்கு முன்னர் நீதிமன்றத்தில் ஒரு பிரமாணப் பத்திரத்தை தாக்கல் செய்திருந்தார் என்றும் அவர் வாதிட்டுள்ளார்.

அந்த அடிப்படையில் மட்டுமே அழைப்பாணை பிறப்பிக்கப்பட்டிருந்தால், அது சட்டவிரோதமானது என்று கமகே வலியுறுத்தியிருந்தார்.