முதலமைச்சர் தும்புத்தடி எனில், பாராளுமன்ற உறுப்பினர்கள் என்ன விளக்குமாறா? என தமிழ்த் தேசியக் கட்சியின் பொதுச்செயலாளர் எம்.கே.சிவாஜிலிங்கம் கேள்வி எழுப்பியுள்ளார் .
இலங்கைத் தமிழரசுக் கட்சியின் வடக்கு மாகாண முதலமைச்சர் வேட்பாளராக முன்னாள் பாராளுமன்ற உறுப்பினர் எம்.ஏ.சுமந்திரன் நிறுத்தப்படுவார் எனக் கூறப்படுகின்றது. இந்நிலையில், கொக்குவிலில் பகுதியில் நேற்று முன்தினம் (28) நடைபெற்ற ஊடக சந்திப்பொன்றில், வடக்கு மாகாண சபைத் தேர்தல் நடைபெற்றால் அது தொடர்பாக உங்களின் நிலைப்பாடு என்ன? என கஜேந்திரகுமார் பொன்னம்பலம் எம்.பியிடம் யாழ். ஊடகவியலாளர்கள் கேள்வி எழுப்பியிருந்தனர். இதற்குப் பதிலளித்த கஜேந்திரகுமார் எம்.பி, மாகாண சபைத் தேர்தல் இடம்பெற்றால் நிச்சயம் நாங்கள் போட்டியிடுவோம். ஏனைய கட்சிகளின் முதலமைச்சர் வேட்பாளர்களின் பெயர்களைக் கருத்திற்கொண்டால் நாங்கள் ஒரு தும்புத்தடியை நிறுத்தலாம் என நினைக்கின்றோம் என கூறியிருந்தார்.
இந்நிலையில், கஜேந்திரகுமார் எம்.பியின் கருத்து தொடர்பாக, யாழ். வடமராட்சி கிழக்கில் நடைபெற்ற ஊடக சந்திப்பில் சிவாஜிலிங்கத்திடம் கேள்வி எழுப்பப்பட்டது. இதற்கு பதலளித்த சிவாஜிலிங்கம், முதலமைச்சர் தும்புத்தடி என்றால், பாராளுமன்ற உறுப்பினர்கள் என்ன விளக்குமாறா? என அவர் கேள்வி எழுப்பினார்.
No comments: