இலங்கையிலுள்ள கர்ப்பிணித் தாய்மார்களுக்கு கொவிட் எதிர்ப்பு பூஸ்டர் தடுப்பூசியை வழங்க ஒப்புதல் அளிக்கப்பட்டுள்ளது.
சுகாதார அமைச்சு மற்றும் மகப்பேறியல் மற்றும் மகப்பேறு மருத்துவர்கள் நிறுவகத்தின் தடுப்பூசி வழிகாட்டல் குழு ஒப்புதல் அளித்துள்ளதாக நிறுவனத்தின் தலைவர் வைத்தியர் பிரதீப் டி சில்வா தெரிவித்தார்.
அதன்படி, 6 மாதங்களுக்கு மேல் உள்ள கர்ப்பிணித் தாய்மார்களுக்கு பூஸ்டர் தடுப்பூசி போட ஒப்புதல் அளிக்கப்பட்டுள்ளது. அதேவேளை நாட்டில் இதுவரை, 60 கர்ப்பிணித் தாய்மார்கள் கோவிட் நோய்த்தொற்றால் இறந்துள்ளனர் என்று மருத்துவர் கூறினார்.
எனினும், கர்ப்பிணித் தாய்மார்களுக்கு கொவிட் தடுப்பூசி அறிமுகப்படுத்தப்பட்டதில் இருந்து, கோவிட் காரணமாக இறப்பு மற்றும் தாய்வழி நோயுற்றவர்களின் எண்ணிக்கையில் கணிசமான குறைப்பு ஏற்பட்டுள்ளதாகவும் வைத்தியர் பிரதீப் டி சில்வா கூறினார்.
கோவிட் நோயில் இன்னும் கர்ப்பிணித் தாய்மார்கள் மருத்துவமனையில் சிகிச்சை பெற்று வருகின்றபோதும், அவர்களில் யாரும் ஆபத்தான நிலையில் இல்லை எனவும் அவர் குறிப்பிட்டார்.
எனவே, அவர்களுக்கு பூஸ்டர் தடுப்பூசியை வெற்றிகரமாக வழங்க வேண்டும் என்றும், , இது அவர்களுக்கு ஏற்படும் நோய் அபாயத்தைக் குறைக்கும் எனவும் வைத்தியர் பிரதீப் டி சில்வா தெரிவித்தார்.
No comments: