மதுராந்தகம், தாராபுரத்தில் தவெக முன்னிலை | இடைத்தேர்தல் முடிவுகள் தட்டாஞ்சாவடியில் என்.ஆர் காங்கிரஸ் அமோக வெற்றி

மதுராந்தகம், தாராபுரத்தில் தவெக முன்னிலை | இடைத்தேர்தல் முடிவுகள்
தட்டாஞ்சாவடியில் என்.ஆர் காங்கிரஸ் அமோக வெற்றி

மதுராந்தகம் மற்றும் தாராபுரம் சட்டமன்றத் தொகுதிகளுக்கான இடைத்தேர்தலில் பதிவான வாக்குகளை எண்ணும் பணி காலை 8 மணிக்கு தொடங்கி விறுவிறுப்பாக நடைபெற்று வருகிறது. அண்மை நிலவரப்படி மதுராந்தகம், தாராபுரம் தொகுதிகளில் தவெக முன்னிலை வகிக்கிறது.

முதல் சுற்றுக்குப் பின் தாராபுரத்தில் முன்னிலை வகித்து வந்த நிலையில், தற்போது தவெக மீண்டும் முன்னிலை வகித்து வருவது கவனிக்கத்தக்கது.

மதுராந்தகம் முன்னிலை நிலவரம்:

தவெக - மரகதம் குமரவேல்: 23,885

திமுக - பரந்தாமன்: 15,583

அதிமுக - கனிதா சம்பத்: 14,065

சிபிஎம் - பி.சுகந்தி: 156

நாதக - ஜானகிராமன்: 332

மதுராந்தகத்தில் மரகதம் குமரவேல் (தவெக), பரந்தாமன் (திமுக), கணிதா சம்பத் (அதிமுக), சுகந்தி (மார்க்சிஸ்ட்), ஜானகி ராமன் (நாம் தமிழர்) மற்றும் சுயேச்சைகள் என 28 வேட்பாளர்கள் போட்டியிட்டனர். மதுராந்தகத்தில் 86.26%, வாக்குகள் பதிவாகின. 22 சுற்றுகளாக வாக்குகள் எண்ணப்படுகின்றன.

5 சுற்றுகள் முடிவில் தாராபுரம் முன்னிலை நிலவரம்:

தவெக - சத்யபாமா: 13,213

அதிமுக - பானுமதி: 12,489

திமுக - சுகன்யா: 11,554

இந்திய கம்யூனிஸ்ட் - ப.லட்சுமணன் - 293

நாதக - கார்த்திகா - 898

தாராபுரத்தில் தவெக சார்பில் சத்யபாமா, திமுக சார்பில் சுகன்யா, அதிமுக சார்பில் பானுமதி, நாம் தமிழர் சார்பில் கார்த்திகா உள்ளிட்ட 22 வேட்பாளர்கள் போட்டியிட்டனர். தாராபுரத்தில் 80.25% வாக்குகள் பதிவாகின. அங்குள்ள 320 வாக்குச்சாவடிகளில் பதிவான வாக்குகள், 14 மேசைகளில் 23 சுற்றுகளாக எண்ணப்படுகின்றன.