நாட்டில் புற்றுநோய் கட்டுப்பாட்டிற்காக உலக சுகாதார அமைப்பின் நிபுணர்களின் விசேட மதிப்பீட்டினால் தயாரிக்கப்பட்ட விசேட அறிக்கை வெளியிடப்பட்டது.
இந்த வருடத்தில் நடாத்தப்படும் முதலாவது தொற்றா நோய் தொடர்பான தேசிய சபை (NCD Council) சுகாதார மற்றும் ஊடக அமைச்சர் வைத்தியர் நலிந்த ஜயதிஸ்ஸ தலைமையில் நேற்று (24) சுகாதார மற்றும் ஊடக அமைச்சில் நேற்று இடம்பெற்றது.
தொற்றா நோய் தொடர்பான தேசிய சபை (NCD Council) சுகாதார அமைச்சு பிரதானமாக ஏனைய சம்பந்தப்பட்ட சகல அமைச்சுக்களுடன் இணைந்து நாட்டில் தொற்ற நோய் கட்டுப்பாடு மற்றும் அதற்கு நிவாரணமளிப்பதற்காக எதிர்கால திட்டமின்றி தயாரித்தல், முடிவுகள் மற்றும் தீர்மானங்களை எடுக்கும் நிபுணர்களின் அறிவியல் மாநாடு ஆகும்.
நாட்டில் புற்றுநோய் கட்டுப்பாடு குறித்து உலக சுகாதார அமைப்பின் நிபுணர்கள் குழுவினால் மேற்கொள்ளப்பட்ட விசேட மதிப்பீட்டிற்கு அமைவாக தயாரிக்கப்பட்ட விசேட அறிக்கை இதன் போது அமைச்சருக்கு கையளிக்கப்பட்டது.
நிலைபேறாண அபிவிருத்தி இலக்கை (SDGs) அடைந்து கொள்வதே சுகாதார அமைச்சின் பிரதான நோக்கம் என்று இதன் போது சுகாதார மற்றும் ஊடக அமைச்சர் வைத்தியர் நலிந்த ஜயதிஸ்ஸ வலியுறுத்தியதுடன் தற்போது தொற்றாநோய் அது ஒரு சவாலாகக் காணப்படுவதாகவும் குறிப்பிட்டார்.
அதனை கட்டுப்படுத்துவதற்காக அரசாங்கம் முழு சுகாதாரப் பணியாளர்களுடன் கடுமையான முயற்சிகளை மேற்கொள்வதாக சுட்டிக்காட்டிய அமைச்சர், இந்தத் தொற்றா நோய் குறித்து தேசிய சபை அதற்கு ஒரு சிறந்த சகுனம் என்றும் தெரிவித்தார்.
தற்போதைய அரசாங்கத்தின் கொள்கை வழிகாட்டுதலின் ஒரு முக்கிய அங்கமாக ஆரம்ப சுகாதாரப் பராமரிப்பின் வளர்ச்சியைச் சுட்டிக்காட்டிய அமைச்சர், ஆரம்ப சுகாதாரப் பராமரிப்பின் வளர்ச்சிக்கு முன்னுரிமை அளிக்கப்பட வேண்டும் என்றும், அதில் அதிக முக்கியத்துவம் வழங்கம்பட வேண்டும் என்றும் வலியுறுத்தினார்.
இந்த நோக்கத்திற்காக தொடங்கப்பட்ட ஒரு சிறப்புத் திட்டமான ஆரோக்கிய நல மையத் திட்டம், ஒரு குறிப்பிட்ட மக்களை இலக்காகக் கொண்டு சுகாதார சேவைகளை வழங்குகிறது என்றும், இந்த மையங்கள் இந்த நாட்டு மக்களிடையே தொற்றாத நோய்களைக் கண்டறிந்து கட்டுப்படுத்துவதில் பெரிதும் பங்களிக்கும் என்றும் அமைச்சர் மேலும் சுட்டிக்காட்டினார்.
இந்த நோக்கத்திற்காக தொடங்கப்பட்ட ஒரு விசேட திட்டமான ஆரோக்கிய நல மையத் திட்டம், ஒரு குறிப்பிட்ட மக்களை இலக்காகக் கொண்டு சுகாதார சேவைகளை வழங்குகிறது என்றும், இந்த மையங்கள் இந்த நாட்டு மக்களிடையே தொற்றாத நோய்களைக் கண்டறிந்து கட்டுப்படுத்துவதில் பெரிதும் பங்களிக்கும் என்றும் அமைச்சர் மேலும் சுட்டிக்காட்டினார்.
தொற்றா நோய்க் கட்டுப்பாட்டிற்கு கடந்த காலங்களில் மேற்கொள்ளப்பட்ட மற்றும் தற்போது இடம்பெற்று வருகின்ற செயற்பாடுகள் மற்றும் வேலை திட்டங்கள் தொடர்பாக இதன் போது கலந்துரையாடப்பட்டன. அவ்வாறே இதய நோய், பக்கவாதம், புற்றுநோய், மனநோய், நீரிழிவு நோய் மற்றும் உயர் இரத்த அழுத்தம் உள்ளிட்ட தொற்றா நோய்களைக் கட்டுப்படுத்தவும் தடுக்கவும் எதிர்கால நடவடிக்கைகள் மற்றும் திட்டங்களை செயல்படுத்துவது குறித்தும் இங்கு விரிவாக ஆராயப்பட்டது.
எதிர்காலத்தில் தொற்றா நோய்களிலிருந்து பொதுமக்களைப் பாதுகாக்க, சுகாதார அமைச்சு மற்றும் ஏனைய அமைச்சுகளுடன் இணைந்து ஆரம்பிக்க வேண்டிய குறுகிய கால, நடுத்தர கால மற்றும் நீண்ட கால திட்டங்களை அவசரமாக தயாரித்து செயல்படுத்துவது குறித்தும் விசேட கவனம் செலுத்தப்பட்டது.
இந்நிகழ்வில் சுகாதார மற்றும் ஊடக அமைச்சின் செயலாளர், வைத்திய நிபுணர் அனில் ஜாசிங்க, கூடுதல் செயலாளர்கள், உதவிப் பணிப்பாளர்கள் நாயகம், அமைச்சின் பணிப்பாளர்கள், ஏனைய அமைச்சுக்கள் மற்றும் திணைக்களங்களின் அதிகாரிகள், வைத்திய நிபுணர்கள், மருத்துவர்கள், உலக சுகாதார அமைப்பு, யுனிசெஃப், அரச மற்றும் அரச சாரா நிறுவனங்கள் மற்றும் கல்வி நிறுவனங்களின் பிரதிநிதிகள் கலந்து கொண்டனர்.
இந்த தேசிய சபையில் தற்போதைய சுகாதார மற்றும் ஊடக அமைச்சரால் தலைமை வகிக்கப்படுகின்றது, மேலும் அதன் உறுப்பினர்களில் சுகாதார அமைச்சின் செயலாளர், மேலதிக செயலாளர்கள், சுகாதார சேவைகள் பணிப்பாளர் நாயகம், உதவிப் பணிப்பாளர் நாயகம், விசேட மருத்துவர்கள், மருத்துவர்கள் மற்றும் ஏனைய அமைச்சுகள், திணைக்களங்கள் மற்றும் நிறுவனங்களின் நியமிக்கப்பட்ட அதிகாரிகள் ஆகியோர் பங்குபற்றுகின்றனர்
No comments: