உலகின் மிகப்பழமையான முத்து கண்டுபிடிக்கப்பட்டுள்ளது

8000 ஆண்டுகள் பழமையான முத்து கண்டுபிடிக்கப்பட்டுள்ளதாக அகழ்வாராய்ச்சியாளர்கள் தெரிவித்துள்ளனர். இந்த முத்துதான் உலகின் மிகவும் பழமையானது எனவும் இவை நியோலித்திக் காலத்திலேயே வணிகம் நடைபெற்றதை நிரூபிக்கும் வகையில் உள்ளதாகவும் அவர்கள் தெரிவித்துள்ளனர்.

அபுதாபியின் மேற்குப்பகுதியில் உள்ள மரவா தீவுகளில் அகழ்வாராய்ச்சி பணிகளில் ஈடுபட்டிருந்தபோது ஒரு அறையின் தளத்தில் அந்த முத்து கண்டெடுக்கப்பட்டதாக ஆராய்ச்சியாளர்கள் தெரிவித்துள்ளனர்.

கண்டுபிடிக்கப்பட்ட முத்தை ஆராய்ச்சி செய்ததில் அது கிமு 5800-5600ஆம் நூற்றாண்டைச் சேர்ந்த நியோலித்திக் காலத்தைச் சேர்ந்ததாக இருக்கலாம் என்று அபுதாபி கலாச்சாரம் மற்றும் சுற்றுலாத்துறை தெரிவித்துள்ளது. ஒக்டோபர் 30ஆம் திகதி அபுதாபியில் நடைபெற இருக்கும் கண்காட்சியில் இந்த முத்து உலகிற்கு முதன்முதலாக காட்சிக்கு வைக்கப்பட இருக்கிறது.

ஐக்கிய அரபு நாடுகள் ஒருகாலத்தில் முத்து வணிகத்தில் சிறந்து விளங்கியதாகவும், அந்த வணிகம் ஜப்பானிய வளர்ப்பு முத்துக்களின் வருகையால் 1930களில் சரிந்து உலகளாவிய பொருளாதார மோதல்களை உருவாக்கியதால் கைவிடப்பட்டது. முத்து வணிகத்தை கைவிட்ட அரபுநாடுகள் இன்றைக்கு தங்களுடைய பொருளாதார சக்தியாக விளங்கும் எண்ணெய் உற்பதிக்கு திரும்பின என்பது குறிப்பிடத்தக்கது.