குரு பிரதிபா விருது பெற்ற வந்தாறுமூலை மத்திய மகா வித்தியாலய ஆசிரியர் குமாரசாமி தவராசா

ஆசிரியர் தினத்தினை முன்னிட்டு வருடா வருடம் வழங்கப்படும் குரு பிரதிபா பிரபா விருதினை கிழக்கு மாகாணத்தில் அதிக புள்ளிகளைப்பெற்ற மட்/ககு/வந்தாறுமூலை மத்திய மகா வித்தியாலயத்தில் கடமையாற்றும் ஆசிரியர் குமாரசாமி தவராசா பெற்று பாடசாலைக்கும் கல்குடா கல்வி வலயத்திற்கும் பெருமை தேடித்தந்துள்ளார். 

இவ்விருதினை மாண்புமிகு கல்வி அமைச்சர் அகிலவிராஜ் காரியவசம் அவர்கள் வழங்கி கெளரவித்தார் . இவர் கணித பாடத்தினை கற்பிக்கும் ஆசிரியராவதுடன், இப்பாடசாலையின் பழைய மாணவர் என்பதும், கடந்த ஆண்டுகளில் நடைபெற்ற போட்டிகளுக்காக மாணவர்களை பயிற்றுவித்து பல சாதனைகளை புரிந்துள்ளமையும் குறிப்பிடத்தக்கது..

இவ்விருதானது கல்வி சேவை மற்றும் பாடசாலை பெறுபேறு, இணைப்பாட விதான செயற்பாட்டினை கருத்தில் கொண்டு வழங்கப்படுகின்றது.  விருதினைப் பெற்ற ஆசிரியர் பாடசாலை ஒன்றுகூடலின்போது அதிபர் K.பகிரதன் அவர்களின் தலைமையில் ஆசிரியர் சங்கத்தினால் கௌரவிக்கப்பட்டார்.