பிளாஸ்டிக் போத்தல் நீர் அருந்துபவரா நீங்கள் ?

மாறி வரும் வாழ்க்கை முறை மற்றும்உணவுப்பழக்கம்மனிதஆரோக்கியத்தில் பல வழிகளில் பாதகமான விளைவுகளை ஏற்படுத்துகின்றன.

தீங்கு விளைவிக்கும் மைக்ரோபிளாஸ்டிக்ஸ் (microplastics) உடலின் அனைத்து உறுப்புகளிலும் ஊடுருவுகிறது.

சமீபத்தில், நியூ மெக்சிகோ பல்கலைக்கழக ஆராய்ச்சியாளர்கள் ஆண்களின் விதைப்பைகளில் (testicles) மைக்ரோபிளாஸ்டிக் துகள்களை கண்டறிந்தனர்.

இந்த பிளாஸ்டிக் துகள்கள் விந்தணுக்களிலும் (Sperm) இருப்பதாக சமீபத்தில் சீன ஆராய்ச்சியாளர்கள் முடிவு செய்தனர்.



சீனாவில் உள்ள 36 ஆரோக்கியமான இளைஞர்களின் விந்தணுக்கள் ஆய்வகத்தில் ஆய்வு செய்யப்பட்டு அனைத்து மாதிரிகளிலும் மைக்ரோபிளாஸ்டிக் துகள்கள் இருப்பது கண்டறியப்பட்டது.

இந்த விவரங்கள் 'Science of the Total Environment' இதழில் வெளியாகியுள்ளன.
பிளாஸ்டிக் தண்ணீர் பாட்டில்கள் மற்றும் பைகள் தயாரிக்கப் பயன்படும் பாலிஎதிலின் (PE), பாலிவினைல் குளோரைடு (PVC), பாலிஸ்டிரீன் போன்ற துகள்கள் விந்துவில் இருப்பது கண்டறியப்பட்டுள்ளதாக ஆராய்ச்சியாளர்கள் தெரிவித்தனர்.

கருவுறுதலுக்கு முக்கியமான விந்தணுக்களின் இயக்கத்தை பிளாஸ்டிக் துகள்கள் தடுக்கின்றன, மேலும் விந்தணுக்களின் வளர்ச்சி மற்றும் கட்டமைப்பைப் பாதிக்கின்றன என்று ஆராய்ச்சியாளர்கள் கவலை தெரிவித்தனர்.

இத்தாலியில் நடத்தப்பட்ட மற்றொரு ஆய்விலும், ஆண்களின் விந்தணுக்களில் மைக்ரோபிளாஸ்டிக்ஸ் இருப்பது கண்டறியப்பட்டது.