''அந்தக் குழு இலங்கையை எளிதில் விட்டு விடாது”

அதிகார மாற்றம் இலகுவானதாக இருக்கப்போவதில்லை என்று கூறிய NPP பாராளுமன்ற உறுப்பினர் ஹரினி அமரசூரிய, மாற்றம் நிகழாமல் தடுக்க ஒரு சிறிய உயரடுக்கு குழு தங்களால் இயன்ற அனைத்தையும் செய்து வருவதாக தெரிவித்தார்.

லண்டன் பெண்கள் மாநாட்டில் உரையாற்றிய அவர், கடந்த 76 ஆண்டுகளாக இலங்கையில் நடந்தவற்றை சிறிய உயரடுக்கு குழு கட்டுப்பாட்டில் வைத்துள்ளது என்றார்.

இந்த சிறிய குழு எளிதில் இலங்கையைக் கைவிடாது என்று கூறிய அவர், இலங்கை மக்கள் அனைவரையும் விட தாங்கள் பலம் வாய்ந்தவர்கள் என்பதை இப்போது உணர்ந்து கொண்டுள்ளனர் என்றும் கூறினார்.

“மாற்றம் எளிதாக இருக்காது. இந்த மாற்றம் நிகழாமல் தடுக்க தங்களால் முடிந்த அனைத்தையும் செய்யும் ஒரு சிறிய உயரடுக்கு குழு உள்ளது. இவ்வளவு காலமும் இலங்கையில் நடந்தவற்றை அவர்கள் கட்டுப்பாட்டில் வைத்திருந்தனர்.

அவர்கள் எளிதில் விட்டுக்கொடுக்கப் போவதில்லை. ஆனால், இந்த நாட்டு மக்கள் அனைவரையும் விட வலிமையானவர்கள். நமது பலத்தை நாம் இதற்கு முன் உணரவில்லை. ஒரு ஒழுங்கமைக்கப்பட்ட குழுவாக ஒன்றிணைவதன் மூலம், அவர்கள் அனைவரையும் விட நாங்கள் மிகவும் பலமாக இருக்கிறோம்.

கடந்த 76 ஆண்டுகளாக நம் நாட்டை சீரழித்துவிட்டார்கள். அந்த சகாப்தம் முடிவுக்கு வர வேண்டும். அந்த சகாப்தத்தை முடிவுக்கு கொண்டுவருவது நமது பொறுப்பு. அந்த மாற்றத்தை உங்களால் செய்ய முடியும். அந்த மாற்றத்தில் நீங்களும் அங்கம் வகிக்க வேண்டும்” என்று லண்டனில் வசிக்கும் இலங்கை சமூகத்தினரிடம் வேண்டுகோள் விடுத்துள்ளார்.