இலங்கையில் மரக்கறிகளின் விலைகள் சடுதியாக அதிகரிப்பு!

நாட்டில் பொருளாதார மத்திய நிலையங்களில் போஞ்சி விலை நேற்றைய தினம் (09-05-2023) சற்று அதிகரித்த வண்ணம் காணப்பட்டுள்ளது.

பேலியகொட மெனிங் சந்தை விலையின்படி, இன்றைய தினம் ஒரு கிலோ போஞ்சி மொத்த விற்பனை விலை 350 முதல் 400 ரூபாவாக பதிவாகியுள்ளது.

மேலும், மீகொட பொருளாதார மத்திய நிலையத்திலும் இதே விலை பதிவாகியுள்ளது,

தம்புள்ளையில், ஒரு கிலோ போஞ்சி 250 ரூபாவாக குறைந்த விலையில் விற்பனை செய்யப்பட்டது.

எனினும், பொருளாதார நிலையங்களில் கேரட்டின் விலை 100 முதல் 190 ரூபாய் வரை குறைந்த விலையில் பதிவாகியுள்ளது.

வெண்டைக்காய் மொத்த விற்பனை விலை 250 ரூபாவிற்கு விற்பனை செய்யப்பட்டது.