News Just In

8/05/2022 06:34:00 AM

ரணிலுக்கு ஆதரவு வழங்கத் தயார்! ஆனால் நிபந்தனைகளுண்டு - ரவூப் ஹக்கீம்

உயிர்த்த ஞாயிறு தாக்குதல் சம்பவத்துடன் தொடர்புடைய பிரதான நபர்களுக்கு தண்டனை வழங்குவதாக அதிபர் ரணில் விக்ரமசிங்க உறுதியளித்தால் அவருக்கு ஆதரவு வழங்கப்படும் என சிறிலங்கா முஸ்லிம் காங்கிரஸ் கட்சியின் தலைவர் ரவூப் ஹக்கீம் தெரிவித்தார்.

எதிர்கட்சி தலைவர் அலுவலகத்தில் நேற்று இடம்பெற்ற ஊடகவியலாளர் சந்திப்பில் அவர் இவ்வாறு கூறினார்.

இதன்போது, பொதுபலசேனா அமைப்பின் பொதுச்செயலாளர் கலகொட அத்தே ஞானசார தேரர் தலைமையிலான ஒரே நாடு – ஒரே சட்டம் தொடர்பான செயலணி அறிக்கையை குப்பை கூடையில் போடுவதற்கு அதிபர் நடவடிக்கை எடுக்க வேண்டும் என அவர் வலியுறுத்தியுள்ளார்.

அத்துடன், ஈஸ்டர் தாக்குதல் சம்பவம் தொடர்பில் முறையான விசாரணை முன்னெடுக்கப்பட வேண்டும் எனவும், அதற்கான நடவடிக்கையை அதிபர் எடுக்க வேண்டும் எனவும் அவர் குறிப்பிட்டுள்ளார்.

No comments: