மட்டக்களப்பு போதனா வைத்தியசாலையின் பதில் பணிப்பாளராக, மட்டக்களப்பு பிராந்திய சுகாதார சேவைகள் பணிப்பாளர் வைத்திய கலாநிதி இரா.முரளீஸ்வரன் இன்று (01/07/2026) தனது கடமைகளைப் பொறுப்பேற்றுள்ளார்.
மட்டக்களப்பு போதனா வைத்தியசாலையின் பணிப்பாளராக நீண்டகாலம் பணியாற்றி வந்த டாக்டர் கலாரஞ்சனி அவர்கள் அண்மையில் ஓய்வுபெற்றதைத் தொடர்ந்து, வைத்தியசாலையின் நிர்வாகச் செயற்பாடுகளைத் தடையின்றி முன்னெடுப்பதற்காக இந்த இடைக்கால நியமனம் வழங்கப்பட்டுள்ளது. சுகாதார அமைச்சின் அறிவுறுத்தலுக்கு அமைவாக, இன்று ஜூலை 1ஆம் திகதி முதல் அமலுக்கு வரும் வகையில் வைத்திய கலாநிதி இரா.முரளீஸ்வரன் இப்பதில் பணிப்பாளர் பதவியை ஏற்றுக்கொண்டுள்ளார். இதேவேளை, குறித்த பணிப்பாளர் விவகாரத்திற்குரிய நிரந்தர நியமனம் ஒன்றை சுகாதார அமைச்சு மிக விரைவில் மேற்கொள்ளவுள்ளதாகவும் அறியமுடிகிறது.
புதிய பதில் பணிப்பாளராகப் பொறுப்பேற்றுள்ள வைத்திய கலாநிதி இரா.முரளீஸ்வரன் அவர்களுக்கு வைத்தியசாலைகளின் சிரேஷ்ட மருத்துவர்கள், ஏனைய மருத்துவ அதிகாரிகள், சுகாதாரப் பணியாளர்கள் மற்றும் சிவில் சமூகப் பிரதிநிதிகள் எனப் பலரும் தமது வாழ்த்துகளைத் தெரிவித்து வருகின்றனர்....,
எனவே தான் இருக்கும் காலத்தில் முடிந்த அளவு அனைவரும் விரும்பும் வகையில் சிறந்த மருத்துவ சேவைகளை செய்வேன் என உறுதி கொண்டு இன்றைய நாளில் பல ஆலோசனைகளை வழங்கியுள்ளார்
எனவே தான் இருக்கும் காலத்தில் முடிந்த அளவு அனைவரும் விரும்பும் வகையில் சிறந்த மருத்துவ சேவைகளை செய்வேன் என உறுதி கொண்டு இன்றைய நாளில் பல ஆலோசனைகளை வழங்கியுள்ளார்
No comments: