காதலிக்கு இடைவிடாமல் லிப்லாக் முத்தம் கொடுத்த காதலனுக்கு நேர்ந்த விபரீதம்!

சீனாவில் இளம் காதல் ஜோடி ஒன்று இடைவிடாமல் லிப்லாக் முத்தல் கொடுத்து வந்தநிலையில் திடீரென காதலன் காது கேட்கும் திறனை இழந்த சம்பவம் ஒன்று பதிவாகியுள்ளது.

இச்சம்பவம் தொடர்பில் மேலும் தெரியவருவதாவது, சீனாவை சேர்ந்த ஒரு இளம் காதல் ஜோடி அடிக்கடி பல இடங்களுக்கு சென்று தங்களின் காதலை வளர்த்து வந்தனர்.

இந்த நிலையில் இரண்டு பேரும் சீனாவின் கிழக்கு ஜெஜியாங் மாகாணத்தில் உள்ள ஏரிப்பகுதிக்கு சென்றனர். அப்போது அங்கு இருவரும் ‘லிப்லாக்’ எனப்படும் உதட்டு முத்தம் கொடுத்துள்ளனர்.

இருவரும் சுமார் 10 நிமிடங்களுக்கு விடாமல் முத்தம் கொடுத்துள்ளதாக கூறப்படுகிறது. இந்த நிலையில் திடீரென்று காதலனின் காதில் ஊசி குத்துவது போன்று வலி ஏற்பட்டுள்ளது.

இது தொடர்பில் அவர் தனது காதலியிடம் தெரிவித்துள்ளார். இதையடுத்து உதட்டு முத்தத்தை நிறுத்திவிட்டு அவர்கள் இருவரும் அங்கேயே சிறிது நேரம் அமர்ந்துள்ளனர்.

இருப்பினும், காதலனின் காதில் ஏற்பட்ட வலி நேரம் செல்ல செல்ல அதிகரித்ததோடு, அவரின் கேட்கும் திறனும் குறைந்துள்ளது.

இதையடுத்து உடனடியாக இருவரும் மருத்துவமனைக்கு சென்றனர். அங்கு காதலனுக்கு மருத்துவர்கள் பரிசோதனைகள் மேற்கொண்டனர்.

அப்போது அவரது காதின் நடுப்பகுதியில் இருந்து வெளிப்புற பகுதியை பிரிக்கும் சிறிய மெல்லிய சவ்வு போன்ற பகுதியில் சிறு அளவிலான இரண்டு துளைகள் இருப்பது தெரியவந்தது.

அதுதான் அவரது காது வலிக்கு காரணம் என்பதை மருத்துவர்கள் கண்டறிந்தனர்.

உணர்ச்சிவசப்பட்டு கொடுக்கும் முத்தம் காதுக்குள் காற்றழுத்தத்தில் விரைவான மாற்றத்திற்கு வழிவகுக்கும் என்றனர்.

இதையடுத்து மருத்துவர்கள் அவருக்கு சிகிச்சை அளித்து வருகின்றனர். அவர் முழுமையாக குணமடைய இரு மாதங்கள் ஆகும் என்று தெரிவித்துள்ளனர்.

இதேவேளை, காதலன் காதலிக்கு கொடுத்த உதட்டு முத்தத்தால் காது கேட்கும் திறனையே இழந்த சம்பவம் காதலர்கள் மத்தியில் அதிர்ச்சியை ஏற்படுத்தி இருக்கிறது.