வாழைச்சேனைப் பொலிஸ் பிரிவிலுள்ள சுகாதார வைத்திய அதிகாரி பிரிவில் இன்று வெள்ளிக்கிழமை நூற்றி எண்பது (180) நபர்களுக்கு பி.சி.ஆர் பரிசோதனைககளும் மற்றும் முப்பத்திரெண்டு (32) அன்டிஜன் பரிசோதனைகளும் இடம்பெற்றதாக சுகாதார வைத்திய அதிகாரிகள் தெரிவித்தார்.
ஓட்டமாவடி பிரதேசத்தில் மேற்கொள்ளப்பட்ட பி.சீ.ஆர் பரிசோதனையின் மூலம் ஓட்டமாவடி பிரதேச செயலாளர் பிரிவில் இருந்து ஆறு நபருக்கும், வாழைச்சேனை பிரதேச செயலாளர் பிரிவிலுள்ள கிண்ணையடி பகுதியில் ஒரு நபருக்கும் கொரோனா தொற்று உறுதி செய்யப்பட்டது.
இந்த நிலையில் கொரோனா தொற்றுக்குள்ளான நபர்களின் குடும்ப உறவினர்கள், நெருங்கிய உறவினர்கள், இவர்களுடன் பழகியவர்கள் மற்றும் கொரோனா தொற்றுள்ள பிரதேசங்களுக்கு சென்று வந்த நபர்கள் தொடர்பில் தகவல் சேகரிக்கப்பட்டு பி.சீ.ஆர் பரிசோதனைகள் இடம்பெற்றது.
இந்த நிலையில் ஓட்டமாவடி சுகாதார வைத்திய அதிகாரி அலுவலக பிரிவில் வைத்திய அதிகாரி டாக்டர் எம்.எச்.எம்.தாரிக் தலைமையில் நூற்றி பத்தொன்பது (119) நபர்களுக்கு பி.சி.ஆர் பரிசோதனைகள் மற்றும் முப்பத்திரெண்டு (32) அன்டிஜன் பரிசோதனைகளும் இடம்பெற்றது.
அத்தோடு வாழைச்சேனை சுகாதார வைத்திய அதிகாரி அலுவலக பிரிவில் அதிகாரி டாக்டர் தேவராஜமுதலி ஸ்டீப் சஞ்ஜீவ்;; தலைமையில் இருபது (20) நபர்களுக்கு பி.சி.ஆர் பரிசோதனைகள் இடம்பெற்றது.
கோறளைப்பற்று மத்தி சுகாதார வைத்திய அதிகாரி அலுவலக பிரிவில் வைத்திய அதிகாரி டாக்டர் எஸ்.ரீ.நஜீப்கான் தலைமையில் நாற்பத்தி ஒரு (41) நபர்களுக்கு பி.சி.ஆர் பரிசோதனைகள் இடம்பெற்றது.
குறித்த பி.சி.ஆர் பரிசோதனைகளில் வைத்தியர்கள், பொதுச் சுகாதார மேற்பார்வை பரிசோதகர்கள், பொதுச் சுகாதார பரிசோதகர்கள், வைத்திய அதிகாரி அலுவலக உத்தியோகத்தர்கள் எனப் பலர் கலந்து கொண்டனர்.
அண்மையில் ஓட்டமாவடியைச் சேர்ந்த பெண்ணொருவருக்கு கொரோனா அடையாளம் காணப்பட்ட நிலையில் இவரது குடும்பத்தாருக்கு மேற்கொள்ளப்பட்ட பி.சீ.ஆர் பரிசோதனையின் மூலம் மேற்படி நபர்கள் இணங்காணப்பட்டுள்ள நிலையில் பி.சீ.ஆர் பரிசோதனைகள் வாழைச்சேனைப் பொலிஸ் பிரிவிலுள்ள ஓட்டமாவடி, வாழைச்சேனை, கோறளைப்பற்று மத்தி ஆகிய சுகாதார வைத்திய அதிகாரி பிரிவில் இடம்பெற்றது.
ஓட்டமாவடி சுகாதார வைத்திய அதிகாரி அலுவலகப் பிரிவில் கொரோனா தொற்று இணங்காணப்பட்டுள்ளதால் மூன்று வீதிகள் தற்காலிகமாக மூடப்பட்டுள்ளமையால் இராணுவத்தினர் பாதுகாப்பு கடமையில் ஈடுபட்டு வருகின்றனர்.
No comments: