பிரித்தானியா-ஜேர்மனி இணைந்து உருவாக்கும் புதிய ஏவுகணை: தொழில்நுட்ப பணிகள் தீவிரம்

பிரித்தானியா-ஜேர்மனி இணைந்து உருவாக்கும் புதிய ஏவுகணை: தொழில்நுட்ப பணிகள் தீவிரம்


பிரித்தானியா மற்றும் ஜேர்மனி இணைந்து 2,000 கி.மீ. தூரம் செல்லக்கூடிய புதிய ஏவுகணை திட்டத்தை வேகமாக முன்னெடுத்து வருகின்றன.

2025 மே மாதத்தில் Trinity House Agreement எனப்படும் பாதுகாப்பு ஒத்துழைப்பு உடன்படிக்கையின் கீழ், பிரித்தானியா மற்றும் ஜேர்மனி இணைந்து புதிய நீண்ட தூர ஏவுகணையை உருவாக்கும் திட்டத்தை அறிவித்தன.

இப்போது, அந்த திட்டத்தின் தொழில்நுட்ப பணிகள் தீவிரமாக நடைபெற்று வருகின்றன என பிரித்தானிய பாதுகாப்பு செயலாளர் ஜான் ஹீலி உறுதிப்படுத்தியுள்ளார்.

2,000 கி.மீ.க்கும் அதிக தூரம் செல்லக்கூடியதாகவும், யுத்தத் தடுப்பு நடவடிக்கைகளில் முக்கிய பங்கு வகிக்கக்கூடியதாகவும் வடிவமைக்கப்படுகிறது.

இது, ஐரோப்பிய பாதுகாப்பை வலுப்படுத்தும் நோக்கத்துடன், NATO-வின் கிழக்கு எல்லையை உறுதிப்படுத்தும் முயற்சியாகும்.

இந்த திட்டம், இரு நாடுகளின் பாதுகாப்பு தொழில்துறையில் முதலீடுகளை அதிகரித்து, ஆயிரக்கணக்கான உயர் திறன் கொண்ட வேலைவாய்ப்புகளை உருவாக்கும் என எதிர்பார்க்கப்படுகிறது.

கடந்த சில மாதங்களில் திட்டத்தின் முன்னேற்றம் குறித்த தகவல்கள் வெளிவராத நிலையில், ஹீலியின் சமீபத்திய அறிக்கை திட்டம் முன்னேறி வருவதை உறுதிப்படுத்துகிறது.

இந்த Anglo-German கூட்டுத் திட்டம், பாதுகாப்பு மற்றும் பொருளாதார ரீதியாக இரு நாடுகளுக்கும் பயனளிக்கக்கூடியதாகும் என பிரித்தானிய பாதுகாப்பு செயலாளர் தெரிவித்துள்ளார்.