ரஷ்யாவின் சொத்துகளிலிருந்து உக்ரைனுக்கு 5 பில்லியன் டொலர் நிதியுதவி-ட்ரூடோ அறிவிப்பு!

ரஷ்யாவின் சொத்துகளிலிருந்து உக்ரைனுக்கு 5 பில்லியன் டொலர் நிதியுதவி-ட்ரூடோ அறிவிப்பு




ரஷ்யாவின் முடக்கப்பட்ட சொத்துகளிலிருந்து உக்ரைனுக்கு 5 பில்லியன் டொலர் நிதியுதவி வழங்கவுள்ளதாக கனடா அறிவித்துள்ளது.

கனேடிய பிரதமர் ஜஸ்டின் ட்ரூடோ (Justin Trudeau), உக்ரைனில் நடைபெற்ற அமைதி மற்றும் பாதுகாப்பு மாநாட்டில் கலந்து கொண்டு, ரஷ்யாவின் முடக்கப்பட்ட சொத்துகளிலிருந்து $5 பில்லியன் உதவியாக வழங்கப்படும் என அறிவித்தார்.

உக்ரைனில் போர் தொடங்கி மூன்றாம் ஆண்டை நினைவுகூரும் இந்த மாநாட்டில் ட்ரூடோ, மேலும் 25 லேசான கவச வாகனங்கள், 2 போர்ப் பாதுகாப்பு வாகனங்கள், F-16 விமானம் பயிற்சி கருவிகள் மற்றும் ஆற்றல் பாதுகாப்பிற்கான நிதி வழங்குவதாக தெரிவித்தார்.

"உக்ரைன் எந்த விதத்திலும் இந்த போருக்கு காரணம் அல்ல.." என்றும் "இது ரஷ்யாவின் பேரரசை விரிவுபடுத்தும் நோக்கத்தினால் உருவானது" என்று ட்ரூடோ கூறினார்.

அமெரிக்கா உக்ரைனின் பங்கேற்பு இல்லாமல் ரஷ்யாவுடன் அமைதி பேச்சுவார்த்தை நடத்துவது ஆபத்தானது என்றும், உக்ரைனே இதை முடிவு செய்ய வேண்டும் என்றும் ட்ரூடோ வலியுறுத்தினார்.

இது ட்ரூடோவின் நான்காவது உக்ரைன் பயணம், மேலும் அவர் லிபரல் கட்சியின் புதிய தலைவர் தேர்ந்தெடுக்கப்படும் காரணத்தால், இது அவரது கடைசி பயணமாக இருக்கலாம்