மாதிவெல மற்றும் கிம்புலாவல பிரதேசங்களில் உள்ள தெருவோர உணவு விற்பனை நிலையங்கள் ஒருபோதும் அகற்றப்படாது என நகர அபிவிருத்தி மற்றும் வீடமைப்பு அமைச்சருமான பிரசன்ன ரணதுங்க இன்று நாடாளுமன்றத்தில் தெரிவித்தார்.
வீதி உணவு முறை வெற்றிகரமான வேலைத்திட்டம் எனவும், எவரும் தடுக்கப்படாத வகையில் அந்த முறையை நடைமுறைப்படுத்துவதற்கான வேலைத்திட்டம் தயாரிக்கப்படும் எனவும் அமைச்சர் குறிப்பிட்டார்.
இன்று (21) நாடாளுமன்றத்தில் ஐக்கிய மக்கள் சக்தி நாடாளுமன்ற உறுப்பினர் திரு ஹர்ஷத சில்வா கேட்ட கேள்விக்கு பதிலளிக்கும் போதே அமைச்சர் இதனைக் குறிப்பிட்டார்.
மேலும் இந்தக் கடையை அகற்ற நாங்கள் இதுவரை எந்த நடவடிக்கையும் எடுக்கவில்லை என்பதை நான் பொறுப்பேற்கிறேன் என அமைச்சர் பிரசன்ன ரணதுங்க தெரிவித்தார்.
No comments: