வாகனத்தில் சிகரெட் பிடித்துக்கொண்டே சானிடைசர் பயன்படுத்திய நபருக்கு ஏற்பட்ட அதிர்ச்சி சம்பவம்- மக்களுக்கு எச்சரிக்கை...!!

வாகனத்தில் சென்று கொண்டிருந்த நபர் சிகரெட் பிடித்துக்கொண்டே சானிடைசர் வைத்து தன் கைகளை சுத்தம் செய்த போது அவரின் சிகரெட்டிலிருந்து தீபொறி ஒன்று கையில் விழுந்து எரிந்ததில் வாகனம் முழுவதும் தீ பரவி வாகனம் முழுவது எரிந்த சம்பவம் ஒன்று அமெரிக்காவின் Maryland என்ற பகுதியில் இடம்பெற்றுள்ளது.

குறித்த விபத்தில் வாகனம் முழுக்க எரிந்துவிட்ட நிலையில் குறித்த நபர் அதிஷ்டவசமாக உயிர் தப்பியுள்ளமை தெரியவந்துள்ளது.

குறித்த நபருக்கு கை மற்றும் தொடைகளில் தீ காயம் ஏற்பட்டதால், தற்போது மருத்துவமனையில் சிகிச்சைப் பெற்று வருகின்றார்.

எனவே தீயணைப்பு வீரர்கள், புகை பிடிக்கும்போது, சானிடைசர் பயன்படுத்தாதீர்கள், அது பெரும் ஆபத்தை உருவாக்கிவிடும் என்று எச்சரிக்கை விடுத்துள்ளனர்.