முற்றாக முடக்கப்பட்டிருந்த யாழ். தாவடி கிராமம் பாதுகாப்புத் தரப்பினரின் முற்றுகையிலிருந்து விடுவிப்பு!!

யாழ்ப்பாணத்தில் முதலாவதாக அடையாளம் காணப்பட்ட கொரோனா நோயாளியின் கிராமமான தாவடி கிராமம் இன்று காலை பாதுகாப்புத் தரப்பினரின் முற்றுகையிலிருந்து விலக்கிக் கொள்ளப்பட்டது.

இது தொடர்பில் மேலும் தெரியவருவதாவது,
யாழ்ப்பாணத்தில் முதலாவது கொரோனா நோயாளியாக இனம்காணப்பட்டவரின் கிராமம் தாவடி ஆகும். இந்த கிராமம் பாதுகாப்புத் தரப்பினரின் முற்றுகைக்குள் வைக்கப்பட்டிருந்ததுடன் கிராமத்தில் இருந்து வெளியேற மற்றும் உள்நுழைய தடைவிதிக்கப்பட்டிருந்தது.

இந் நிலையில் இன்று காலை விடுவிக்கப்பட்டது. மக்கள் மிகவும் மகிழ்ச்சியாக கடமைகளை மேற்கொண்டதை காணக்கூடியதாக இருந்தது மேலும் மக்கள் ஆர்வத்துடன் வழமையான செயற்பாடுகளில் ஈடுபட்டார்கள்