இலங்கையில் பல்கலைக்கழக தரவரிசை : யாழ் பல்கலைக்கழகத்திற்கு ஏழாவது இடம்

இலங்கையில் பல்கலைக்கழக தரவரிசை : யாழ் பல்கலைக்கழகத்திற்கு ஏழாவது இடம்

அண்மைய வெபோமெட்ரிக்ஸ் பல்கலைக்கழகத் தரவரிசையின்படி(Webometrics university rankings), கொழும்பு பல்கலைக்கழகம் இலங்கையில் மீண்டும் முதலிடத்தைப் பிடித்துள்ளதுடன் உலக அளவில் 1,745-வது இடத்தையும் பிடித்துள்ளது.தமிழர் பகுதியில் உள்ள யாழ்ப்பாண பல்கலைக்கழகம் ஏழாவது இடத்தையே பிடித்துள்ளது.

இதே தரவரிசையில், ஸ்ரீ ஜெயவர்தனபுர பல்கலைக்கழகம் இலங்கையில் இரண்டாவது இடத்தையும், பேராதனைப் பல்கலைக்கழகம் மூன்றாவது இடத்தையும் பிடித்துள்ளன. ஸ்ரீ ஜெயவர்தனபுரப் பல்கலைக்கழகம் உலக அளவில் 2,125-வது இடத்தையும், பேராதனைப் பல்கலைக்கழகம் 2,258-வது இடத்தையும் பிடித்துள்ளன.

இந்தத் தரவரிசையின்படி, இலங்கைப் பல்கலைக்கழகங்களில் ரூஹுனப் பல்கலைக்கழகம் நான்காம் இடத்தையும், மொரட்டுவப் பல்கலைக்கழகம் ஐந்தாம் இடத்தையும் பிடித்துள்ளன.

அத்துடன் ஆறாவது இடத்தை களனி பல்கலைக்கழகமும் ஏழாவது இடத்தை யாழ்ப்பாண பல்கலைக்கழகமும் பிடித்துள்ளன.



சமீபத்திய வெபோமெட்ரிக்ஸ் தரவரிசையின்படி, உலகின் சிறந்த பல்கலைக்கழகத்திற்கான முதல் இடத்தை அமெரிக்காவின் ஹவாட் பல்கலைக்கழகமும், இரண்டாம் இடத்தை அமெரிக்காவின் ஸ்டான்போர்ட் பல்கலைக்கழகமும் பிடித்துள்ளன. அமெரிக்காவின் எம்ஐடி பல்கலைக்கழகம் மூன்றாவது இடத்தையும், ஐக்கிய ராச்சியத்தின் ஒக்ஸ்போர்ட் பல்கலைக்கழகம் நான்காவது இடத்தையும் பிடித்துள்ளன.