நிந்தவூர் அல்-அஷ்ரக் தேசிய பாடசாலை தேசிய மட்டத்தில் வரலாற்றுச் சாதனை!

நிந்தவூர் அல்-அஷ்ரக் தேசிய பாடசாலை தேசிய மட்டத்தில் வரலாற்றுச் சாதனை

மாளிகைக்காடு செய்தியாளர்

கல்வி அமைச்சுடன் இணைந்து இலங்கை பாடசாலை மெய்வல்லுநர் சங்கம் நடாத்தும் அகில இலங்கை பாடசாலைகளுக்கிடையிலான தேசிய மட்ட சேர் ஜோன் ரபட் கனிஷ்ட மெய்வல்லுனர் சம்பியன்ஷிப்-2024. கடந்த மூன்று நாட்களாக மாத்தறை கொடவில விளையாட்டு மைதானத்தில் நடைபெறுகிறது.

தேசிய மட்ட சேர் ஜோன் ராபர்ட் கனிஷ்ட மெய்வல்லுனர் போட்டியில் இரண்டாம் நாளான (19) நேற்று கல்முனை கல்வி வலய நிந்தவூர் அல்-அஷ்ரக் தேசிய பாடசாலை சார்பாக 12 வயது பிரிவைச் சேர்ந்த முஹம்மட் ஹாரீஸ் முஹம்மட் கின்சான் ஓட்டப்பந்தயம் 80 மீட்டர் நிகழ்ச்சியில் 11 வினாடியில் ஓடி முடித்து 03ம் இடத்தைப் பெற்று வெண்கலப் பதக்கத்தை வென்றார்.

இவரை பயிற்றுவித்த பொறுப்பாசிரியர்கள் மற்றும் விளையாட்டு பயிற்றுவிப்பாளர் ஆகியோர்களுக்கும் மற்றும் மாணவனை அழைத்துச் சென்று வழிநடாத்திய உடற்கல்வி ஆசிரியர் ஏ. ஹலீம் அஹமட் மற்றும் அனைத்து வழிகளிலும் உதவி புரிந்து ஒத்துழைப்பு வழங்கும் மாணவனின் பெற்றோர்களுக்கும் பாடசாலை அதிபர் ஏ. அப்துல் கபூர் அஷ்ரக்கியன் சமூகம் சார்பாக வாழ்த்துக்களையும் நன்றிகளையும் தெரிவித்தார்.