கடற்படையினரின் படகுகள் ஒன்றையொன்று மோதி விபத்து : கடற்படை வீரர் ஒருவர் மாயம்!

காரைநகர் கடற்படையினர் மற்றும் நெடுந்தீவு கடற்படையினரின் படகுகள் ஒன்றையொன்று மோதி விபத்துக்குள்ளானதில் கடற்படை வீரர் ஒருவர் காணாமல் போயுள்ளதாகக் கடற்படையினர் தெரிவித்துள்ளனர்.

இரண்டு கடற்படை படகுகளும் ரோந்து நடவடிக்கையில் ஈடுபட்டு கொண்டிருக்கும் போது சந்தேகத்திற்கிடமான முறையில் ஒரு படகு செல்வதைக் கடற்படையினர் அவதானித்தனர்.

இந்நிலையில் குறித்த படகினை இரண்டு கடற்படை படகுகளும் துரத்திக்கொண்டு சென்றவேளை இந்த விபத்து சம்பவித்துள்ளது.

காணாமல் போன கடற்படை வீரரைத் தேடும் பணியில் கடற்படையினர் ஈடுபட்டு வருகின்றனர்.