கல்முனையின் சில பகுதிகள் மீண்டும் கொரோனா அபாய வலயங்களாக அறிவிப்பு..!!

கல்முனையின் சில பகுதிகள் மீண்டும் கொரோனா அபாய வலயங்களாக அறிவிக்கப்பட்டுள்ளதாக அப்பிராந்திய சுகாதார வேவைகள் பணிப்பாளர் வைத்தியக் கலாநிதி வைத்தியர் ஜி.சுகுணன் தெரிவித்தார்.

கல்முனை பிராந்திய சுகாதார வேவைகள் பணிப்பாளர் பிரிவில் அக்கரைப்பற்று, காரைதீவு, சாய்ந்தமருது மற்றும் கல்முனைத் தெற்கு ஆகிய சுகாதார வைத்தியதிகாரி பிரிவுகள் கொரோனா வைரஸ் தொற்று அபாய வலயமாக பிரகடனப்படுத்தப்பட்டுள்ளதாகவும் அப்பகுதிகளில் வாழும் பொதுமக்கள், இறுக்கமான சுகாதார நடைமுறைகளை கடைப்பிடிக்குமாறும் அவர் வலியுறுத்தியுள்ளார்.

அக்கரைப்பற்று சுகாதார வைத்தியதிகாரி பிரிவில் 351 பேரும் காரைதீவு சுகாதார வைத்தியதிகாரி பிரிவில் 88 பேரும் சாய்ந்தமருது சுகாதார வைத்தியதிகாரி பிரிவில் 97 பேரும் கல்முனை தெற்கு சுகாதார வைத்தியதிகாரி பிரிவில் 339 பேரும் கொரோனா வைரஸ் தொற்றாளராக அடையாளம் காணப்பட்டுள்ளனர் எனவும் வைத்தியர் ஜி.சுகுணன் சுட்டிக்காட்டியுள்ளார்.

கல்முனை பிராந்திய சுகாதார வேவைகள் பணிப்பாளர் பிரிவில் மொத்தம் 1,378 பேர் கொரோனா வைரஸ் தொற்றாளர்களாக இனங்கானப்பட்டுள்ளனர் எனவும் கல்முனைப் பிராந்தியத்தில் 27,579 பேருக்கு பி.சி.ஆர் மற்றும் அன்டிஜன் பரிசோதனைகள் மேற்கொள்ளப்பட்டுள்ளதாகவும் அவர் குறிப்பிட்டுள்ளார்.

மேலும், நாளாந்தம் கொரோனாத் தொற்றாளர்களின் சதவீதம் அதிகரித்து வருவதால் அதனை கட்டுப்படுத்துவதற்கு சுகாதார அதிகாரிகளால் அவ்வப்போது அறிவிக்கப்படும் அறிவுறுத்தல்களை பின்பற்றி நடக்குமாறும் பொதுமக்களை வைத்தியர் ஜி.சுகுணன் வலியுறுத்தியுள்ளார்.