பிரித்தானிய அரசாங்கம் போருக்குத் தயாராகுமாறு எச்சரித்துள்ள நிலையில், இரண்டு ஆண்டுகளுக்குப் பிறகு முதல் முறையாக பிரித்தானியாவில் அவசர எச்சரிக்கை அமைப்பை சோதிக்கும் முயற்சி முன்னெடுக்கப்பட உள்ளது.
இதன் ஒருபகுதியாக இந்த ஆண்டு இறுதியில், அலைபேசி உட்பட அனைத்து கருவிகளிலும் அவசர எச்சரிக்கை மணி சோதனை முன்னெடுக்கப்பட உள்ளது. கடந்த 2023ல் முதல் முறையாக அறிமுகம் செய்யப்பட்ட இந்த திட்டமானது அருகில் உயிருக்கு ஆபத்து இருந்தால் பொதுமக்களுக்கு எச்சரிக்கை செய்வதாகும்.
போர் மூளும் அபாயம் ஏற்பட்டால், பிரித்தானியா தாக்கப்படும் நெருக்கடி இருப்பதாக பாதுகாப்பு அமைப்புகள் எச்சரிக்கை விடுத்துள்ள நிலையிலேயே, தற்போது மீண்டும் அவசர எச்சரிக்கை சோதனை முன்னெடுக்கப்பட உள்ளது.
மட்டுமின்றி, மத்திய கிழக்கில் போர் சூழல் அதிகரித்துள்ள நிலையில், அணு ஆயுத நாடுகள் வலுக்கட்டாயமாக தலையிடும் சூழலில், பிரித்தானியாவில் அவசர எச்சரிக்கை சோதனை முன்னெடுக்கப்படுகிறது.
இது வெறும் சோதனை முயற்சி மட்டுமே என விளக்கமளித்துள்ள அரசாங்கம், gov.uk/alerts என்ற இணைய பக்கத்தில் மேலதிக தகவல்களை தெரிந்து கொள்ளவும் அறிவுறுத்தியுள்ளது.
No comments: