மட்டக்களப்பு- மாநகர சபையால் மழை காரணமாக பிற்போடப்பட்டிருந்த இசை நடனக் கல்லூரி குறுக்கு வீதி புனரமைக்கும் வேலைத்திட்டம் ஆரம்பவம்!!

மட்டக்களப்பு- மாநகர சபையால் 2020ஆம் ஆண்டில் நடைமுறை படுத்துவதற்காக அடித்தளம் இட்டிருந்த 32 செயற்திட்டங்கள் மழை காரணமாக பிற்போடப்பட்டிருந்தன.

இதில் 20 கொன்றிட் வீதிகளும், 12 தார் வீதிகளும் கடந்த ஆண்டு மழை காரணமாக முடிக்கப்படாத வேலைத்திட்டங்களாக காணப்படுகின்றமை குறிப்பிடத்தக்கது. 

இதனையடுத்து குறித்த வேலைத்திட்டங்கள் தற்போது முடித்து வைத்த பின்னர் இந்த ஆண்டுக்கான அடுத்த செயற்திட்டங்களை அமுல்படுத்த மாநகர சபை முதல்வர் தியாகராஜா சரவணபவன் அவர்களால் பணிக்கப்பட்ட நிலையில் குறித்த வேலைத்திட்டங்கள் தற்போது நடைமுறைப்படுத்தப்பட்டு வருகின்றன.

இதன் அடிப்படையில், கௌரவ உறுப்பினர் சிறீஸ்கந்தராஜா அவர்களின் வட்டாரத்தில் காணப்படும் 300m  நீளமான இசை நடனக் கல்லூரி குறுக்கு வீதியினை புனரமைக்கும் வேலைத்திட்டம் இன்று மாநகர முதல்வர் தியாகராஜா சரவணபவன் அவர்களால் ஆரம்பித்து வைக்கப்பட்டது.

குறித்த ஆரம்ப நிகழ்வில், குறித்த வட்டார உறுப்பினர் திரு.சிறீஸ்கந்தராஜா, மாநகர உறுப்பினர்களான ஜெயா, இராஜேந்திரம், சூட்டி ஆகியோர் கலந்து கொண்டு வீதியின் ஆரம்ப வேலைத்திட்டங்களை ஆரம்பித்து வைத்தனர்.

அத்துடன் இதன் போது மாநகர முதல்வரால் ஒழுங்கு முறையில் வேலைத்திட்டங்களை விரைவாக நிறைவேற்றும்படி அறிவுறுத்தல்களும் வழங்கப்பட்டது.