நாட்டில் நேற்றைய தினம் மாத்திரம் 376 புதிய கொரோனா நோயாளர்கள்; நோயாளர்களது மொத்த எண்ணிக்கை 85 ஆயிரத்தையும் கடந்தது!!

நாட்டில் நேற்றைய தினம் மாத்திரம் 376 புதிய கொரோனா நோயாளர்கள் அடையாளம் காணப்பட்டுள்ளதாக சுகாதார அமைச்சின் தேசிய தொற்று நோயியல் பிரிவு தெரிவித்துள்ளது.

இதனால் இலங்கையின் பதிவான மொத்தக கொரோனா நோயாளர்களின் எண்ணிக்கையானது 85,336 ஆக உயர்வடைந்துள்ளது.

நேற்றைய தினம் அடையாளம் காணப்பட்ட நோயாளர்களில் 358 பேர் மினுவாங்கொட-பேலியகொட கொவிட்-19 கொத்தணியுடன் தொடர்புடையவர்கள் ஆவர்.

அநேரம் நாடு முழுவதும் உள்ள சிறைகளில் இருந்து இரண்டு நேயாளார்களும், வெளிநாடுகளிலிருந்து வருகை தந்த 16 நோயாளர்களும் அடையாளம் காணப்பட்டுள்ளனர்.

தற்சமயம் மினுவாங்கொட-பேலியகொட கொவிட்-19 கொத்தணியுடன் தொடர்புடைய கொரோனா நோயாளர்களின் எண்ணிக்கையானது 81,093 ஆக உயர்வடைந்துள்ளது.

இதேவேளை நேற்றைய தினம் 448 கொரோனா நோயாளர்கள் பூரண குணமடைந்து வைத்தியசாலைகளிலிருந்து வெளியேறியுள்ளனர். அதனால் நாட்டில் கொவிட் தொற்றுக்குள்ளாகி குணமடைந்த நோயாளர்களின் எண்ணிக்கையும் 81,769 ஆக பதிவாகியுள்ளது.

தற்சமயம் நாடு முழுவதும் உள்ள வைத்தியசாலை மற்றும் சிகிச்சை நிலையங்களில் 3,070 சிகிச்சை பெற்று வருவதுடன், சந்தேகத்தில் 397 பேர் வைத்தியக் கண்காணிப்பில் உள்ளமையும் குறிப்பிடத்தக்கது.

இதேவேளை நேற்றைய தினம் இலங்கையில் கொரோனா தொற்றினால் மரணித்தோரின் எண்ணிக்கை 493 இல் இருந்து 497 ஆக அதிகரித்துள்ளது.