பத்து லட்சம் ரூபாவில் புனரமைக்கப்பட்ட வீதியை காணவில்லை; சினிமா பாணியில் நடந்த சம்பவம்..!!

மன்னாரில் பத்து லட்சம் ரூபாவில் புனரமைக்கப்பட்ட வீதியை காணவில்லை என்று பொது மக்கள் கவலை வெளியிட்டுள்ளனர்.

நாடாளுமன்ற உறுப்பினரும் மன்னார் முல்லைதீவு ஒருங்கிணப்பு குழு தலைவருமான காதர்மஸ்தானின் நிதி ஒதுக்கீட்டில் மன்னார் நகரசபையின் மேற்பார்வையில் மன்னார் மூர் வீதி அமைக்கப்பட்ட வீதியையே காணவில்லை என குறித்த பகுதி மக்கள் தெரிவித்துள்ளனர்.

அவ் வீதியானது 10 லட்சம் ரூபா நிதி ஒதிக்கீட்டில் கடந்த 8 மாதம் அமைக்கப்பட்டு மக்கள் பாவனைக்காக கையளிக்கப்பட்டிருந்தது. இந் நிலையில் கடந்த வாரம் பெய்த கனமழையால் வீதி மற்றும் வீதிக்கு என பறிக்கப்பட்ட கிறவல் போன்றவற்றை காணவில்லை என மக்கள் குற்றம் சுமத்தியுள்ளனர்.

குறித்த வீதியானது ஒழுங்காக அமைக்கப்படவில்லை எனவும் மூன்று மாத காலப்பகுதியில் காணாமல் போயுள்ளதாகவும் தற்போது குறித்த வீதியில் கொக்குகள் மீன் பிடித்து கொண்டு இருப்பதாகவும் எனவே சம்மந்தப்பட்ட அதிகாரிகள் உடனடியாக தலையிட்டு குறித்த வீதியை புனரமைத்து வழங்குமாறு அப்பகுதி மக்கள் கோரிக்கை விடுத்துள்ளனர்.