கொரோனாவிற்கு எதிராக கிருமி நாசினி தெளிப்பது ஆபத்து!- உலக சுகாதார அமைப்பு

கொரோனாவிற்கு எதிராக கிருமி நாசினி தெளிப்பது ஆபத்தானது
கொரோனா வைரஸைக் கட்டுப்படுத்துவற்காக தெருக்களில் கிருமி நாசினி தெளிப்பதன் மூலம் கொரோனா கிருமிகளை அழிக்க முடியாது

உலக சுகாதார அமைப்பு விடுத்துள்ள அறிக்கை ஒன்றிலே இது பற்றி தெரிவிக்கப்பட்டுள்ளது.

அதில் தெருக்கள் அல்லது சந்தைகளில் கிருமிநாசினி தெளிப்பதன் மூலம் கொரோனா உள்ளிட்ட பிற நோய்க்கிருமிகளை அழிப்பது நிரூபிக்கப்படவில்லை எனக் குறிப்பிட்டுள்ளது.

உலக சுகாதார அமைப்பு, மேலும் மனிதர்கள் மீதும் கிருமி நாசினியை தெளிப்பது எங்கும் பரிந்துரைக்கப்படவில்லை என்று குறிப்பிட்டுள்ளது.

இது உடல் ரீதியாகவும் உளவியல் ரீதியாகவும் தீங்கு விளைவிக்கும் எனத் தெரிவித்துள்ளது.

இதனால் மனிதர்களுக்கு கண் மற்றும் தோல் எரிச்சல், மூச்சுக்குழாய் அழற்சி மற்றும் இரைப்பை குடல் விளைவுகளை ஏற்படுத்தும் என்றும் அறிக்கையில் எச்சரிக்கப்பட்டுள்ளது.