பட்டிப்பளை பிரதேச முன்னாள் போராளிக்கு வாழ்வாதார உதவி வழங்கிவைப்பு

மட்டக்களப்பு பட்டடிப்பளை பிரதேச செயலக பிரிவுக்குட்பட்ட கொல்லநுலை கிராமத்தில் தேவைப்பாடுடைய முன்னாள் போராளியான ராமலிங்கம் வேணுதாசன் அவர்கள் தொழில் பாதிப்புற்ற நிலையில் பல இன்னல்களை அனுபவித்து வந்தார்.

இந்த நிலையில் வேணுதாசனுக்கு லண்டனில் வசிக்கும் மனிதநேய பணியாளர் வசிகரன் அவர்களின் நிதியுதவியினால் வாழ்வாதாராத்தை மேம்படுத்த கால்நடை பண்ணை வளர்ப்பிற்கான பணி இன்று ஆரம்பித்துவைக்கப்பட்டது.

இந் நிகழ்வில் எமக்காக நாம் ஒருங்கிணைப்பாளர் தீபாகரன், உறுப்பினர் சுரேஸ்குமார் மற்றும் சமூக நலன் விரும்பிகள் பங்குபற்றினர்.

மனிதநேய பணியாளர் வசிகரன் அவர்களால் பல இனம்காட்டப்படாத மனிதநேயப்பணிகள் இடம்பெற்று வருகின்றமை குறிப்பிடதக்கது.