மாணவர்களை ஏற்றிச் சென்ற வான் பாரவூர்தியுடன் மோதி விபத்து

கண்டி – பன்விலை , மேமலை தோட்டப் பகுதியிலிருந்து டீமலை பகுதியிலுள்ள பாடசாலை ஒன்றிற்கு மாணவர்களை ஏற்றிச் சென்ற வானொன்று விபத்துக்குள்ளானதில் 19 மாணவர்கள் காயமடைந்துள்ளனர்.

குறித்து வான் எதிர்த்திசையில் பயணித்த பாரவூர்தியுடன் இன்று (வியாழக்கிழமை) காலை மோதி விபத்துக்குள்ளாகியுள்ளது.

சம்பவத்தில் காயமடைந்த 18 மாணவர்களும் மடுல்கலை மாவட்ட வைத்தியசாலையில் அனுமதிக்கப்பட்டுள்ளார். அத்தோடு விபத்தில் காயமடைந்த மாணவி , மேலதிக சிகிச்சைகளுக்காக கண்டி போதனா வைத்தியசாலைக்கு மாற்றப்பட்டுள்ளார்.

விபத்துக்குள்ளான குறித்த வானில் 37 மாணவர்கள் பயணித்ததாக தெரிவிக்கும் பொலிஸார்இ விபத்து தொடர்பான மேலதிக விசாரணைகளை முன்னெடுத்து வருகின்றமை குறிப்பிடத்தக்கது.