ஸ்ரீலங்கா முஸ்லிம் காங்கிரஸ் தலைவர் றவூப் ஹக்கீமுக்கு எதிராக கண்டி மாவட்டத்தில் சுவரொட்டிகள்!

ஹக்கீம், ஹலீம் கண்டிக்கு வேண்டாம்'' அக்குறணை உள்ளிட்ட
கண்டி மாவட்டத்தில் சுவரொட்டிகள்

(எஸ்.எம்.எம்.றம்றான்)

முஸ்லிம் காங்கிரஸ் தலைவர் ரவூப் ஹக்கீம் மற்றும் ஐக்கிய மக்கள் சக்தியின் நாடாளுமன்ற உறுப்பினர் அப்துல் ஹலீம் ஆகியோருக்கு எதிராக அக்குறணை உள்ளிட்ட கண்டி மாவட்டத்தில் பல ஊர்களிலும் “ஹக்கீம், ஹலீம் கண்டிக்கு வேண்டாம்” என்ற தலைப்பில் சுவரொட்டிகள் ஒட்டப்பட்டுள்ளன.

நேற்றைய தினம் அக்குறணையில் இடம்பெற்ற எதிர்க்கட்சி தலைவரும் ஐக்கிய மக்கள் சக்தியின் ஜனாதிபதி வேட்பாளருமான சஜீத் பிரேமதாசவின் ஜனாதிபதி தேர்தல் பிரச்சார கூட்டத்திற்கு வருகை தந்த முஸ்லிம் காங்கிரஸ் கட்சியின் தலைவர் ரவூப் ஹக்கீமுக்கு எதிராக அக்குறணை ஊர் மக்கள் கோஷமெழுப்பிய நிலையில் இந்த சுவரொட்டிகளும் ஒட்டப்பட்டுள்ளன.

அக்குறணையில் தொடர்ந்து ஏற்பட்டு வரும் வெள்ளத்திற்கு தீர்வு தருவதாக கூறி பல தேர்தல்களிலும் வாக்குறுதி வழங்கி விட்டு மக்களை ஏமாற்றுவதாக கூறியே நேற்றைய தினம் பொதுமக்கள் முஸ்லிம் காங்கிரஸ் கட்சியின் தலைவர் ரவூப் ஹக்கீமுக்கு எதிராக கோஷமிட்டமை குறிப்பிடத் தக்கதாகும்.