''HECS'' சவால் கிண்ண பூப்பந்தாட்ட சுற்றுப் போட்டி-2021...!!

கல்வி அபிவிருத்தி சங்கமானது(EDS) தமது மாணவர்களின் விளையாட்டுத் திறனை மேம்படுத்துவதற்காக இரு தசாப்தங்களுக்கு மேலாக பல்வேறு ஆரோக்கியமான நிகழ்வுகளை மேற்கொண்டு வருகின்றது. குறிப்பாக பூப்பந்தாட்ட விளையாட்டுத் திறனை தமது மாணவர்களிடையே வளர்க்குமுகமாக ஆண்டு தோறும் பூப்பந்தாட்ட சுற்று போட்டிகளை நடாத்தி வருகின்றமை குறிப்பிடத்தக்க விசேட அம்சமாகும்.

குறித்த சுற்று போட்டியானது இவ்வருடம் தொடக்கம் "HECS" (உயர் கல்விசார் கலந்தாய்வு அமைப்பின்) சவால் கிண்ண பூப்பந்தாட்ட சுற்றுப் போட்டியாக ஆரம்பிக்கப்படவுள்ளமை குறிப்பிடத்தக்க விடயமாகும்.

நாளை (2021.03.11) காலை முதல் இரவு பகலாக நடைபெறும் இப்போட்டிகள் EDS அமைப்பின் உள்ளக மைதானத்தில் இடம்பெறவுள்ளதாக நிகழ்ச்சி ஒழுங்கமைப்பாளர்கள் தெரிவித்துள்ளனர்.