சாதாரண தர பரீட்சையில் மருதமுனை அல்-ஹம்றா வித்தியாலயத்திற்கு சிறந்த பெறுபேறுகள்

(காமிஸ் கலீஸ்)
2019 ஆம் ஆண்டுக்கான க.பொ.த. (சா/தர) பரீட்சையில் மருதமுனை அல்-ஹம்றா வித்தியாலய மாணவர்கள் மிகச் சிறந்த பெறுபேறுகளைப் பெற்றுள்ளனர்.

அந்த வகையில் 7 மாணவர்கள் 9 பாடங்களிலும் A தர சித்தி பெற்று பாடசாலைக்கும் ஊருக்கும் பெருமை சேர்த்துள்ளனர்.

மேலும் 8 பாடங்களில் A தர சித்தியினை 5 மாணவர்களும் 7 பாடங்களில் A தர சித்தியினை 2 மாணவர்களும் பெற்றுள்ளதோடு மேலும் பல மாணவர்கள் சிறப்பான பெறுபேறுகளைப் பெற்றுள்ளனர்.

மேலும் 2019 இல் இப் பாடசாலையில் இருந்து 78 மாணவர்கள் க.பொ.த. (சா/தர) பரீட்சைக்கு தோற்றியுள்ள நிலையில் 77 (99%) மாணவர்கள் சித்தியடைந்துள்ளதோடு 76 (97%) மாணவர்கள் உயர்தரம் கற்க தகுதி பெற்றுள்ளமை குறிப்பிடத்தக்கது.

நன்றி:
ஐ. உபைதுல்லாஹ்
அதிபர் - கமு/கமு/அல்-ஹம்றா வித்தியாலயம், மருதமுனை.